FRETILIN Kontinua Aprosima Meza PN Debate Lei Anti Korupsaun

Bancada Fretilin iha uma fukun Parlamentu Nasional sei esforsu nafatin atu avansa  projecto de lei anti korupsaun atu hetan lalais aprovasaun hosi PN antes mandatu nee remata, Projecto de lei nee iha instrumentu  balun nebee eficas duni mak hanesan,”Onus de Provas” (pembuktian terbalik), ida nee importante tebes tuir realidade Timor Leste nian, e bele mos fo vantagen boot ba autoridade justica sira atu fasilita diak liu tan sira nia servisu  investigasaun,  atu bele hetan provas ba alegasoens sira nebee hetan iha prosesu nian laran ba krime kuropsaun.  Atu hatene diak liu tan kona ba asunto nee, Tuir  mai intervista esklusivu ho Vice Chefe Bancada Fretilin Deputado Fransisco Miranda Branco.

 Oin sa Politika Fretilin nian atu Kombate Korupsaun iha Timor Leste?

Cmrd. Branco: Hau Hakarak konta  oituan istoria  ba kotuk  bainhira Fretilin kaer ukun nia preukupasaun  primeiru maka harii Provedoria Direitus Humanos de Justica (PDHJ),  ninian objektivu para estadu bele  harii praktica boa governasaun diak, boa gestaun finansas publika nebee diak iha ita nia estadu laran, tamba iha tempu nebaa papel PDHJ nian maka respeitu direitus humanos no pratika boa governasaun,e bele halo mos prevensaun ba pratika de korupsaun,ida nee mak politika Fretilin nian atu kombate korupsaun.

Iha tinan 2009 Aliansi Mayoria Parlamentar (AMP) forma instituisaun ida apropriadu ba luta kontra korupsaun entaun PDHJ haree liu deit ba  kestaun direitus humanos, boa governasaun, no boa administrasaun e kestaun korupsaun intrega ba area responsabilidade Komisaun Anti Korupsaun (KAK). Kuando AMP harii  fofoun Komisaun Anti Korupsaun, Pozisaun Fretilin nian kestiona katak la presiza tamba pais kiik hanesan Timor Leste ho populasaun 1 milaun deit ladun iha efisiensia para atu harii instituisaun bar-barak, maibe depois de tinan hitu liu tiha ita haree katak iha nesesidade tamba ho progresu nebee ita nia estadu iha ita mos bele konkorda katak tengki iha duni instituisaun nebee especial hodi toma konta ba area korupsaun nian importante tebes.  Tamba korupsaun mos bele ligadu ho krime organizadu, bele mos mai hosi pratica kontra lei.  Agora dadauk ita mos iha ona Polisia de investigasaun kriminal hodi kompleta instituisaun sira nee hodi kombate korupsaun,  tamba kestaun de korupsaun nee laos fasil atu bele hetan alegasaun ka provas.

Mosu Kritika hosi Sosiade Civil sira katak PN maka budu hela lei anti korupsaun iha gaveta laran,e laiha insiativa atu debate?

Cmrd. Branco: Projecto de lei anti korupsaun nee produtu Fretilin nian nebee hetan mos apoiu hosi bancada sira seluk, e desde tinan ida liu ba aprezenta ona ba iha meja Parlamentu iha momentu nebaa sei dirije hosi Presidente Parlamentu Nasional Vicente Guterres maibe nungka iha avansu, e foin lalais iha mudansa ba Presidente PN foun Aderito Hugo maka foin hatudu vontade hodi hatun ona ba komisaun eventual ida nebee forma hosi bancada parlamentar sira hodi analiza no estuda hodi loke audensia e halo pareser ida nunee bele aprezenta iha Plenaria hodi nunee bele hetan aprovasaun.

Bele esplika kontiudo fundamental projecto de lei anti korupsaun?

Cmrd. Branco: Projecto de lei nee iha instrumentu  balun nebee eficas duni mak hanesan,”Onus de Provas” (pembuktian terbalik), ami hanoin katak klauza ida nee  importante tebes tuir realidade Timor Leste nian,  tamba ita foin ukun an ita nia rekursu humanos mos sei limitadu tebes, tamba nee  fasilita ita nia rekursu humanos intrudos ba lei nia laran, instrumentu  ida  nebee bele ajuda sira atu bele prova alegasoens nebee hetan durante prosesu nia laran.  Hau  hanoin se klauza ida nee mak liu entaun ita tengki reforsa tan  ita nian instrumentu legal ida nee. Krime korupsaun nee la fasil atu hetan nia provas dala barak autores krime bele uza meius oin-oin hodi halakon provas, tamba nee ami hanoin katak tengki hatama duni onus de provas nee ba instrumentu legal para atu fasilita diak liu tan investigasaun, fasilita diak liu tan ita nia autor justice sira  atu bele hetan provas ba alegasoens sira nebee hetan iha prosesu nian laran ba krime kuropsaun.

Ida seluk tan maka kriminalizasaun de  konstrusaun civil/Fraude na Construcao   katak,  projecto ida harii tiha ona maibe la tuir obra ka BOQ nebee iha,  agora dadauk ho vakum lei nebee iha seidauk akontese mais se karik lei nee aprovadu duni maka  lei nee bele kriminaliza asaun sira hanesan nee,  e bele konsidera hanesan krime korupsaun, se ida nee mak realiza duni hau fiar katak ita bele kombate korupsaun iha ita nia rai. Kestaun fundamental lei anti kuropsaun nian nee maka Onus de Provas/pembuktian terbalik, se karik estadu Timor Leste bele ultrapasa situasaun ida nee maka hau hanoin bele fo vantagen  boot ba  estado liu-liu autoridade justica sira hanesan ministerio publiku, KAK, no tribunal tamba bele sente kman liu atu halo prosesu investigasaun ba alegasoens nebee iha, tamba  bele fasilita sira, e nia rasik mak mai prova kontra katak akuzasaun nee la los ita la presiza buka provas,  nia rasik mai halo declarasaun hodi kontra akuzasaun nebee iha.

Bainhira los mak Lei nee atu deskute?

Cmrd. Branco: Projecto de Lei anti korupsaun nee entrega ona ba komisaun A  hodi halo analiza, maibe bancada Fretilin sei fo hanoin nafatin atu lei nee bele avansa nafatin ba oin, e bele remata no hetan aprovasaun hosi Parlamentu Nasional e hetan mos promulgasaun hosi Presidente da Republika antes mandatu nee remata,  ida nee hanesan parte ida mos hosi komprimisiu Fretilin nian ba povu desde uluk kedas katak tengki iha boa governasaun diak, boa administracao diak e tengki kombante duni korupsaun iha ita nia rai laran.

Projecto de Lei anti korupsaun nee produtu Fretilin nian, iha esperanca  hetan aprovasaun hosi PN ka lae?

Cmrd. Branco: Hau sente ho postura foun politika Fretilin nian nee, ho entendementu  forca politika nebee iha ho ambiente nebee propisiu,  hodi dehan katak hamutuk ita bele, tengki tradus duni iha realidade katak ita tengki hamutuk  hodi kombate korupsaun iha ita nia rai laran, nunee  ita labele fo konsekuensia boot ba ita nia estadu tamba estadu investe osan barak nu fim osan nee la benefisia povu maibe benefisia deit ba ema ba grupo balun deit nee bele hamosu injustica social, tamba nee maka bancada Fretilin sei halo akompanhamentu ba situasaun nee to hetan aprovasaun hosi PN no promulgasaun hosi Presidente da Republika.

Oin sa  Deputado nia haree ba servisu KAK durante nee?

Cmrd. Branco: Tuir hau nia haree Politika KAK nian diak maibe la seriu  tamba KAK harii tiha ona iha tinan 7 nia laran  maibe  foin maka Sexto  governu konstituisional halo nia lei organika.  oin sa mak ita harii instituisaun ida ita la fo instrumentu ida ba nian, laiha lei ida propriadu ba nia kaer atu luta kontra korupsaun,o  e la fo estatuto organica  ida, liu tiha tinan 7 mak foin fo, nee hatudu momos katak  ita ladun seriu. Hakarak ka lakoi hau interpreta katak laiha seriedade politika, ita hakarak harii maibe la seriu atu halao, e ida nee hau bele dehan katak KAK hanesan amostra deit. Maibe ho evolusaun progresu ba oin nee ita tengki seriu duni hodi luta kontra korupsaun, tamba se lae korupsaun sei buras iha ita nia rai.

Oin sa Bancada Fretilin nian mensagen ba entidades hotu inklui povu tomak iha Timor Leste atu hamutuk kontra korupsaun?

Cmrd. Branco: Ita hotu tengki konsidera korupsaun nee hanesan virus ida nebee bele destroe estadu, destroe jerasaun, no bele destroe nasaun.  Ita bele iha instrumentu legal, ita bele iha  instituisaun sira nebee ita harii, maibe importante maka tengki iha seriadade politika e tengki hatudu duni iha pratica hodi halo prevensaun hodi kontra korupsaun. Sosiadade mos tengki kontribui, labele hein deit hosi instituisaun sira nebee estadu harii, tengki iha kontrola social. Liu hosi GOPAC ami harii ona rede ida hanesan instrumentu ida hamutuk  hodi kombante korupsaun, ami estabelese paseria ho universidade tomak iha TL, ho sosiadade civil sira, atu hili problema korupsaun nee henesan virus ida nebee hotu-hotu tengki fo liman ba malu hodi kontra korupsaun.    

FRETILIN Mak Alternativa ba Governasaun

Partidu FRETILIN deit mak mak sai alternativu uniku atu bele ukun hodi halo planu no programa ida ne’ebé diak hodi  nune’e  hatur fila fali  governu tuir dalan los no ukun ho gestaun ida ne’ebé rigor  para  bele atinji objetivu luta libertasaun do povu.

Sekretariu Jerál partidu FRETILIN Dr. Mari Alkatiri hatete ida ne’e iha konferensia distrital Ermera hodi hili delegadu sira atu tuir kongresu nasional ne’ebé sei halo iha fulan Outobru tinan ida ne’e no hili  kandidatu potensial Distritu Ermera atu sai membru CCF periodu oin mai.

Tinan 10 partidu seluk mak ukun rai ida ne’e, rejultadu mak hare dadauk osan barak mak gasta ona maibérejultadu laiha tanba sira aproveita periodu ida  ihaproblema entre lideransa 1974 ho 1975 hodi halo buat barak mak sala.

“Sira tabele tiha ba Xanana, Xanana konfia sira sira konfu Xanana, ne’emak realidade (iha TL),” dehan Dr. Mari Alkatiri

Alkatiri dehan, Tinan 10 ukun la fóezenplu diak ida, realidade mak ukun nain sira agora nadodon ba hotu Ministeriu Publika no Tribunal hodi responsabliza aktu ne’ebé sira halo.

Maibé, besik eleisaun sira mak  tun fila fali ba povu nia leet lori lian bosok hodi naok povu nia konsensia no lasu deit povu.

Iha tinan 2013 to’o 2014 Parlamentu Nasional  arpova tiha lei ida ho votu unanimidade harii rejiaun espesial Oecuse ho ZEESM hahu iha Oecusse ho Atauromaibé agora balun lori lia bosok hodi bosok povu tanba sira laran taridu bainhira hare dezenvolvimentu iha Oecusse ne’ebé lidera husi ema FRETILIN hatudu rejultadu diak.

Partidu balun komesa tun ona hodi halo ajitasaun no propaganda oi-oin dehan, dezenvolvimentu iha Oecusse la fó ganti rugi ba ema sira ne’ebé afeitadu balun dehan laiha retronu.

“Kuandu lao tun faho sae fóho ne’e retronu saida? Retornu mak rein ita nia ferik sira, hakuak ita nia tiun katuas sira, ita nia tian ferik sira la persiza deit ita mai rein sira, ita nia tiun katuas sira la persiza deit ita mai hakuak sira, sira hakarak atu hadia sira nia vida, sira hakarak hadia sira kondisoens para hadia sira nia vida, ne’e so partidu ida deit mak bele halo mak FRETILIN,” dehan Dr. Alkatiri.

Tanba ne’e, Alkatiri dehan, FRETILIN mak iha politíka, planu no programa hodi  liberta povu, Ezemplu mak Oecusse fó fiar ba ema FRETILIN ema FRETILIN la konfu Xanana.

“Programa (ZEESM) ne’e hau nian, hau mak aman, maibé iha maun ida mak konfia hau, iha maun ida mak apoia hau, ke hau la konfu nia,  maun ne’emak Xanana,” dehan Alkatiri.

Mari Alkatiri dehan, FRETILINlao tuir nia dalan no CNRT mos lao tuir nia dalan maibé nia ho Xanana hamutuk atu taka dalan ba buat sira ne’ebélao naksalak iha TL.

“Hau ho Xanana hamutuk, FRETILIN sei lao nia dalan, CNRT sei lao nia dalan, hau ho Xanana hamutuk  para atu trava buat sira ne’e, ami mos katuas ona, ami hanoin saida mak ita korizé ita korizé kedas agora, saida mak ita hapara , hapara kedas agora,” dehan Alkatiri.

Tinan ida ho balun ema FRETILIN lidera Oecusse hatudu  dezenvolvimentu ida diak  halo ema balun lori lia bosok dehan estadu hadau ema nia rai, la fó ganti rugi.

“Hau dehan dala barak ona, ganti rugi ho osan ne’e adves ganti ne’e bo’ot dala hira tiha ona mais rugi nafatin deit, tanba simu ona osan, lia mak la para, simu ona osan sosa tiha kareta ida, sosa tiha motor ba oan sira ne’e hotu I la rejolve problema ida,” dehan Mari Alkatiri.

Ezenplu konkreta mak  osan barak mak governu hasai hodi fó ganti rugi ba povu afetadus sira iha Distritu Suai relasiona ho dezenvolvimentu iha ne’ebamaibéagora ema sira ne’e la sai husi sira nia uma, depois dehan osan hotu ona.

Iha Oecusse lae, Dr. Mari Alkatiti dehan, povu nia uma mak afeta ba dezenvolvimentu estadu fó fali uma ida fó material konstrusaun, osan ba badaen hari uma fóun, kios hari fali kios ne’emak akontese iha Oecusse agora.

“Hau husu governu atu aprova lalais lei ida, dehan rai ida ne’ebé titlu la klaru, it abele fó fila rai ida ho titlu ba ema afetadu sira, nemak politíka halo iha Oecusse, tanba saida mak sira ejizé osan tanba sira ba sukit iha ne’e sukit iha ne’eba para sira hetan presentagen,” dehan Mari Alkatiri.

Nia dehan, povu ne’ebé afetaduiha dezenvolvimentu Oecusse kuaze 200 uma ho Kioske no nain 190 mak simu ona uma fóun, dala barak kios laiha kualidade hetan tiha material konstruksaun halo fali uma ke bo’ot demais ona depois materiál konstruksaun mak la to’o fó materiál konstruksaun para atu halo uma ho kuatru tolu sira ba halo uma ho kuatru nen, ida ne’e idaidak nia hanoin.

Partidu seluk laran taridu bainhira hare Oecusse ne’e atu sai ezenplu ba boa governasaun Timor Leste laran tomak, aban bainrua FRETILIN ukun sei ukun ho rigor hanesan halo dadaun iha Oecusse laiha doit ida ke soe narnaran.

“Kuandu osan povu nian, povu nian, osan o nian privadu o nian privadu , osan estadu nian estadu nian, labele kahur,” dehan Alkatiri.

Hanesan ne’emos kareta estadu nian, estadu nian laos lori fali kareta estadu ba badiu ,telephone ba uza servisu estadu nian uza deit ba servisu estadu nianlaos uza fali telephone estadu nian ba privadudepois halo divida deit ba estadu.

“Kuandu viajen internasional la persiza lori ema rua nolu tolu nolu, sekretariu, sekretaria, asesor, asesoris, mak barak liu I viajen fila fali mai rejultadu laiha,” dehan Alkatiri

Alkatiri dehan, nia iha Oecusse kuaze tinan ida ho balun ona maibéhalo viajen dala tolu deit ba liur ho delagasaun ema la liu  nain tolu ka hat.

“Uluk kedas hau primeiru ministru hanesan ne’e duni, Primeiru ministru labele preokupa demais viajen internasionais, preokupa liu dezenvolvimentu iha rai laran, uluk ministru ida sai hau tenki autoriza, husu mai hau (Primeiru Ministru) halo karta, hau bolu husu o ba ne’e o gasta hira? O lori fila fali mai hira la hatene entaun la ba,” dehan Alkatiri

Agora lae, ministru  ida halo viajen ba estrangeiru maibé primeiru ministru rasik la hatene, depois lori delegasaun ida ne’ebé bo’ot, ne’e jestaun ladiak no gasta osan deit tanba ne’e FRETILIN tenki fila ukun hodi hadia.