Proposta FRETILIN Passa, PN Hari Komisaun Eventual Fiskaliza Tusan Estadu

Projetu Rejulusaun FRETILIN atu harii komisaun eventual halo fiskalizasaun no akompañamentu ba servisu governu  halo apuramentu  hamos tusan ne’ebe maka Estadu iha hahu husi 2013 too agora.

Projetu rejulusaun ne’e aproba ho votus afavor 43 kontra 4 no apstensaun 4, Komisaun Eventual ne’e nia servisu mak  halo akompañamentu ba governu no halo fiskalizasaun ba projetu sira ne’e ejiste duni ka lae? Nia volume projetu ne’e hira? Nune’e bele garante akuntablidade no transparensia ba osan estadu.

Komisaun Eventual ne’e kompostu husi Bankada CNRT ema nain lima (5), FRETILIN nain hat (4), PD nain ida no Fretin –Mudança nain ida.

Deputadu proponente ba projetu rejulusaun Kamarada Aniceto Guterres husi Bankada FRETILIN  hatete, projetu rejulusaun  ne’e nudar solusaun politika ida ne’ebe Fretilin aprezenta tanba Fretilin nudar opozisaun kritika no kestiona problema maibe fo mos solusaun ba governu bele rejolve problema no garante akuntablidade ida ne’ebe  rigor no transparansia ba finansas publika  molok halo pagamentu ba divida sira ne’e.

Kria Tusan Barak, FRETILIN Konsidera Governu Nia Gestaun Laiha Krediblidade

FRETILIN liu husi nia Bankada iha Parlamentu Nasional konsidera Governu nia gestaun orsamentu estadu nian sei fraku no laiha krediblidade tanba kada tinan Governu halo tusan barak.

Xefe Bankada FRETILIN Kamarada Aniceto Guterres hatoo deklarasaun ne’e bainhira Governu aprezenta orsamentu retivikativu 2016 nian loron 12 Jullu 2016.

Orsamentu retifikativu ne’ebé  Governu aprezenta  hakarak resolve ka selu tusan hotu hosi liñas ministériais ka instituisaun estado nian tomak antes Governu fóun ida ne’ebé sei mosuiha2017. 

Tanba Governu ne’ebé deit mai sei mai iha 2017 , tenke assume hodi halo pagamento ba tusan estado nian ne’ebé halo hosi entidades estado nian .

Intensaun Governu nian ne’e diak, Maibé FRETILIN duvida katak orçamento retivikativu 2016 nian bele hamos hotu kedas tusan hirak ne’e? Hamos oinsa ? Oinsa nia prosesu ka mekanismu atu halo pagamento?

Divida sira ne’e mosu ne’e laos deit iha âmbito despeza konaba capital de desenvolvimento Fundo Infraestrutura nian, maibé iha mos divida barak tebes tanba aquisição bens e serviços, situasaun ida ne’ebé FRETILIN alerta bebeik ona iha okaziao debate orsamentu kada tinan.

Soke , Aniceto dehan, to’o ohin loron laiha dadus ka infórmasaun naton atu hatene liu tan konaba: Montante total divida ne’e hira? Hosi ministério ka intituisaun estado ida ne’ebé? Tanba samak mosu divida? Intensional ka tanba Inkompetencia?

 “Divida ne’e mosu hori uluk kedas hosi Governus anteriores, no sai fali hanesan kultura ida iha ita nia administrasaun publika liu-liu iha Governu,” deklara Kamarada Aniceto iha bainhira Governu aprezenta OJE retifikativu 2016.

 Tusan  ne’e mosu, Aniceto dehan, tanba ministério ka instituisaun estadu sira la kumpri regra no sitema gestsaun finanseira katak tenke iha osan uluk maka halo despeza. 

FRETILIN hare katak, pratika sira ne’ebé hamosu divida maka ministério ka instituisaun estadu sira halo kontrato ba projeto  maibé osan laiha iha orsamentu, ou halo projeto sem kontrato maibé fó ordem de traballu ba kompanhia ka fórnesedores, wainhira projeto hotu ona maka fóin asina kontratu, halo projetos emergênsia ne’ebé laiha karakter emergência, no fórmas sira seluktan.

Hanesan Diretor Geral iha ministério ida hateteba jornais nacional iha Janeiro 2012 nune’e : “divida sira ne’ebé iha tinan uluk selu fali ho orsamentu tinan ida ne’e, nune’e mos divida tinan ida ne’e nian sei selu fali hosi orçamento tinan oin. Ministeriu ne’e nanis kedas tinan ba tinan, loke kuak taka kuak, tusan lakotu hela deit, tanba ne’e ministério lakonsege implementa programa fóun”.

Exemplu konaba pratika hamosu dividas, ida ne’ebé mais ressente maka ita bele hare mos hosi seitor eletricidade. Iha livro 3^A Orcamento rectificativo konaba Fundo Infraestruturas, iha página 20 hatetenune’e “O orçamento original aprovado para 2016 fói de 6,3 milhoes de dólares. Durante o segundo trimestre de 2016 fez-se uma redistribuição de 5 milhoes de dólares a partir do programa do Porto para cobrir o pagamento de retenção do projeto de construção da rede nacional de energia electrica. Porem o montante kontratual era superior a esta verba, sendo necessário cobrir o pagamento de retenção da construção da rede nacional e de projetos de baixa e media tensão. O ministério das Obras Publicas aprovou ainda contratos adicionais no valor total de 63 milhoes de dólares em 2016. O pagamento previsto referente aos projetos de eletricidade ira requerer fundos adicionais de 29,74 milhoes de dólares. A alocação no orçamento rectificativo para 2016 passou assim para os 41,035 milhoes de dólares.”.

Hosi citasaun ida ne’e hamosu pergunta lubun ida enter outros, : Tanba samaka laiha previzaun orçamento iha orçamento original atu selu retenção? Tanba samaka halo tan kontrato fóunho total 63 milhoes enquanto laiha orçamento  previsto iha orçamento original, no osan ba selu retenção no projetos de baixa e media tensão seidauk to,o? Kontrato fóun be halo ne’e, ba projetus hira? Oinsa lalaok aprovisionamento? Visto previa hosi Camara de Contas iha ona kalae? Karik projetos fóun ne’e fahe-fahe tiha ba 1 milhao ba kraik, atu nune’e lapresiza liu hosi vistu previa Camara de Contas nian? Tanbasa la hakerek iha página 21 Livro 3^A OR 2016 nian? Divida 63 milhoes ne’e, se mak atu selu, bainhira mak atu selu no atu selu hosi osan ida ne’ebé? OR 2016 ida ne’e? Ka OGE 2017?

Liga ho pergunta sira ikus ne’e, iha pergunta seluk hosi seitor eletricidade mos: Oinsa 138 projetos eletricidade ho valor 60,403,062,91 ne’ebé seidauk iha kontratu?

“ Excelencia Sr. Primeiru Ministru, ida  ne’e maka gestão financeira iha governasaun ne’ebé ita bot lidera? Ita bot bele admiti pratika sira hanesanne’e?,” deklara Aniceto

Situasaun divida ne’e seriu tebes,tanba quase liñas ministeriais hotu iha divida. Seriu liutan wainhira ita hare tribunais liu-liu Tribunal Recurso ne’ebé iha laran iha mos Camra de Contas ne’ebé halo controlo jurisdicional no julga konta estadu tomak nian,se sira mos halo divida hanesan, oinsa ita nia sitema no gestão ba finanças publicas nia credibilidade ?

Hare hosi numeru, dadus ne’ebé Bancada FRETILIN iha ona asesu, no minimu divida hosi projetus infraestrutura tau hamutuk ho divida hosi projetus emergencia ne’ebé laiha kontratu, maka hamutuk, 361,649,803.23 dolares.

Situasaun ne’e  exige ita atu oinsa ita buka solusaun ba kestaun divida. Maibé tanba divida sai tiha ona hanesan cultura ida no afeta ona ba sistema, ita sei labele resolve ho maneira aumenta deit osan, muito menus ho Orcamento Rectificativo ida ne’e. 

Nune’e Bankada FRETILIN propoen atu Parlamento Nacional nudar orgaun fiscalizador, hamutuk ho Governu hamosu mecanismo ruma atu oinsa halo apuranmentu no likidasaun divida estadu nian, atu nune’e ita bele resolve de vez kestaun divida, ita bele corrigi ka hadia buat ruma ne’ebé sala, no sei la husik todan ba futuros Governus. Ho nune’e maka ita bele tau em ordem conta estado nian.

Iha debate espesialidade, Bankada FRETILIN  sei apresenta proposta konkreta konaba hanoin ida ne’e.

Bispo Norberto: FRETILIN Mak Naroman ba TL

Amo  Bispo Diocese Maliana   Norberto do Amaral  tau nafatin esperansa ba Partidu Frente Revolusionaria Timor Leste Independente (FRETILIN) atu matein nafatin prinsipiu liberta povu husi kiak no mukit.

“Mantein nafatin prinsipiu ida liberta patria no liberta povu ne’e, ida ne’emak tenki kaer nafatin, ida ne’emak ita tenki iha esperansa ba oin nafatin,” dehan Bispo Maliana Amo Norberto Amaral.

Bispo Diocese Maliana koalia ida ne’e bainhira inkontru  Deputadu Bankada FRETILIN ne’ebé lidera husi Vice Prezidenti Bankada Kamarada Deputada Josefa Pereira, Kamarada Deputadu Aurelio Freitas, Kamarada Deputadu Paul Moniz Maia, Kamarada Deputada Angelica da Costa no Kamarada Asesor Bankada Fransisco de Vasconlho iha Maliana (06072016).

FRETILIN , tuir Amo Norberto katak  iha istoria ida naruk, FRETILIN mak naroman ba povu Timor Leste.

 “FRETILIN mak lori buat ida ne’e (ukun an)  sai ba realidade, ne’e duni sai obor (naroman) ne’ebé lakan iha nakukun laran,” dehan Amo Bispo.

Tanba ne’e, Amo Norberto iha esperansa nafatin ba FRETILIN atu realize mehi libertasaun do povu tanba FRETILIN mak naroman no referensia ba partidu hothotu iha TL atu labele ses husi dalan ne’ebé FRETILIN defende.

“Hau nia esperansa mak ne’e , FRETILIN sai nafatin naroman , sai nafatin referensia ba partidu sira seluk,”  dehan Bispo Maliana.

Dala ruma, Amo Bispo dehan, nia parte kritika FRETILIN tanba hadomi FRETILIN e hakarak FRETILIN lori mehi ne’e  sai realidade.

Iha inkontru ne’ebé inisia husi Bankada FRETILIN ne’e troka hanoin ba malu liga ho situasaun rai laran hanesan, dezenvolvimentu ne’ebé gasta ona billaun $8 seidauk lori transformasaun ba povu.

Iha inkontru ne’e koalia mos konaba planu governu atu aprezenta Orsamentu Retifikativu 2016, koalia konaba degradasaun moral iha rai laran,seitas falsu, formasaun ba joventude.

ASDT 320 iha Suku Manapa Fila ba FRETILIN

Estrutura no militantes partidu ASDT iha Suku Manapa, Postu Administrativu Kailaku, Municipiu Maliana hamutuk ema nain 320 deklara fila fali ba knua FRETILIN tanba ohin loron partidu 30 resin maibe so FFRETILIN mak iha prinsipiu , planu no programa ida diak atu liberta povu.

Iha loron (2/7/2016) Estrutura ASDT kompustu husi Kordenador ASDT Calisto Alberto, Sabino Mendes (Vice I), Caitano Soares (Vice II) hamutuk ho militantes kuaze 320  fila afilia ba FRETILIN  tanba hafoin saudozu Fransisco Xaviar do Amaral nia mate, ASDT fahe  malu tanba  diferensia ideia no interese pesoal nian as liu duke interese povu nian.

“Ami militantes ASDT iha Suku Manapa sei fo votus ba FRETILIN tanba ita hotu hatene ASDT mak halo transformasaun ba FRETILIN. Ami ne’ebe mak avialia hamutuk 320 ho lista anexu,” dehan Alberto.

Sira fiar katak, FRETILIN deit mak iha abilidade atu liberta povu husi kiak no mukit.

Membru CCF/CPN, atual Xefe Bankada FRETILIN Deputadu Aniceto Guterres hatete ASDT mak transforma tiha ona ba FRTILIN tanba ne'e militantes ne'ebe mak fila, fila ba sira nia uma rasik.

“Hau labele dehan benvindo tanba imi mai fali FRETILIN  maibe uma (FRETILIN) ne’e ita hotu nian, imi nian rasik,” dehan Aniceto.

Ho realidade ukun no dinamika politika ne’ebe lao, Aniceto dehan,  povu iha konsensia ona katak so FRETILIN mak bele liberta sira husi kiak no mukit.

Patria liberta ona maibe FRETILIN nafatin kaer prinsipiu no valores libertasaun ne’ebe uluk defende hodi kontinua luta ba libertasaun do povu.

Reprezentante CCF Flavio Silva kongratula desizaun ne’ebe mak  militantes sira husi ASDT foti atu fila ba FRETILIN , partidu ida ne’ebe mak sira uluk defende nia prinsipiu katak mate ka moris ukun rasik , atu liberta patria no liberta povu.

Hamutuk fali ho FRETILIN atu luta kontra diskriminasaun no injustisa sosial iha rai laran.

“FRETILIN tenki prontu atu hamrik hodi salva nasaun ne’e. Belok ( partidu seluk ukun) tinan oualu (8) belok (ukun) lalos ona ne’emak bolu fali ema FRETILIN ba ukun ne’e, tanba FRETILIN mak nain ba ukun ne’e,” dehan Flavio.

Ema la hatene ukun sira ukun sei lalos, tanba FRETILIN mak hatene povu nia hakarak no povu nia persiza desde 1974 too agora.

“Atu sai husi problema ne’e so ita hamutuk para hasai povu husi halerik sira ne’e,” dehan Flavio.

Marka prezensa iha seremonia afiliasaun ne’e kopostu husi reprezentante CCF Flavio da Silva, Xefe Bankada FRETILIN Aniceto Guterres, Estrutura Munisipiu Maliana no organizasaun afiliadas ba FRETILIN.

Sosa Saham TT Governu Lakon ho Emprezariu Lokal,  Rikusoin Estadu Labele Ema Ida Mesak Mak Akomula

Deputadu Bankada FRETILIN liu husi plenaria Parlamentu Nasional (04/07/2015) preokupa makas desizaun governu hodi lakohi sosa saham Timor Telecom tanba  governu lakon iha avaliasaun finansas ho emprezariu lokal.

Deputadu Ossorio Florindo foti kestaun  ne’e tanba nia lakohi Timor oan ida mesak mak atu akomula fali rikusoin iha TL.

 “Hau la orgullu bainhira ita akomula rikeza estadu ba grupu ida, ne’e ba sedeit, ba grupu se deit, ne’e hau la orgullu ida,” dehan Osorio ho lian makas.

Osorio dehan, iha nasaun ne’ebé mak iha avaliasaun finansas estadu bele lakon fali ho emprezariu lokal ida.

“Se situasaun ne’e akontese hanesan ne’e duni entaun nasaun ne’e ema ida nian duni ona, (heroi) sira ne’ebé mate ne’e saugate duni ona, tebes duni nasaun ne’e (sai) ema ida nian ona,” dehan Osorio

Tanba ne’e, Ossorio ejizé atu Primeiru Ministru, Ministru Finansas, Ministru Obras Públika tenki esplika iha Parlamentu Nasional tanba  diskusaun iha Konsellu Ministru mos ideia la hanesan.

Governu nia razaun, Ossorio dehan, avaliasaun tekniku governu  bele sosa saham TT nian maibé avaliasaun finansas dehan labele ida ne’e sai pergunta boot, tanba saida mak estadu lakon emprezariu lokal.

“Hau nia perguntas? Avaliasaun finansas nasaun ne’e  (nian) lakon ho avaliasaun finansas emprezariu ida nian, serake ida ne’e bele akontese?,” Ossorio kestiona.

Se governu hakarak fó deit ba individu ida ne’e deklara deit iha publika dehan fó deit ba individu refere, se lae entaun tenki loke oportunidade ba emprezariu  Timor oan hotu atu investe.

“Nasaun lakon ho ema individu!  ita hotu la hatene prosesu ne’e lao nusa? serake TT nia divida kuaze $9 milloens ida ne’e ita atu lulun ba ema ida,” dehan Ossorio.

Osorio kritika  jestaun governu nian  ne’ebé ladiak to’o ohin loron Estadu kontinua iha tusan. 

“Ita kria tiha ona orgaun outonomo ba komonikasaun nia funsaun iha ne’ebé? kontrola sasan iha ne’ebé? Derepente Timor oan ida manan (sosa asoens TT) hau orgullu Timor oan bele manan maibe hau la orgullu Timor oan (ida mesak) mak atu akomula rikeza estadu nian,” lamenta Osorio.

Koalia konaba  TT laos konaba telekomonikasaun deit maibe buat barak liga ho segredu nasaun nian ne’ebé tenki kontrola.

Iha fatin hanesan Deputadu FRETILIN Manuel Castro mos lamenta tanba ne;e nia ejizé governu tenki esplika iha PN.

“Hau husi Primeiru Ministru, Ministru Obras Públika Transporte Telekomonikasaun no vice Ministru ne’ebé tutela tenki mai esplika razaun saida mak labele sosa,” dehan Castro

Televizaun Para iha Administrador Nia Uma, Povu Leqidoe La Asiste Copa Europa

Povu iha Postu Administrativu Leqidoe, Municipiu Aileu la akonpaña informasaun rai laran, liliu jogo Copa Europa tanba Telivizaun ne’ebé Governu liu husi Ministeriu Statal ofrese, deskonfia Administrador Postu Administrativu Leqidoe rai fali iha nia uma.

Deputada Bankada FRETILIN, Josefa Pereira foti kestaun ne’e iha plenaria PN loron (04/07/2016) bainhira simu keixa husi komonidade sira husi Leqidoe.

Deputada FRETILIN ne’e konsidera hahalok administrador postu administrative Leqidoe ne’e abuzu poder .

“Simu tiha telivizaun mais Teleivizaun ne’e la lori ba Leqidoe mais Telivizaun ne’e husik hela iha nia uma, iha Aileu Villa, hau hanoin buat sira hanesan ne’e labele akontese tanba durante ne’e nia mak asiste hela bola ne’e, I laiha konsensia katak  povu iha ne’eba (Leqidoe) persiza hela,” dehan Josefa iha plenaria.

Deputada Josefa mos preokupa  servisu administrador ne’ebé la ativu tanba administrador Postu Administrativu Leqidoe nia rezidensia iha Aileu Villa , depois tama servisu la tuir lei funsaun publika nian.

“ Durante ne’e administrador ne’e ba servisu iha Liqidoe apenas loron ida no loron rua maibé iha ita nia lei hatete katak funsionariu publika ida tenki servisu loron ida oras ualu (8) nia laran,” dehan Josefa.

Josefa husu Komisaun Funsaun Públika tau atensaun ba asuntu ida ne’e no husu administrador postu administrativu Leqidoe tenki lori Televizaun ne’e ba tau iha Leqidoe.