Alkatiri: Povu Kole Ona ho Promesa Falsa Durante tinan 10

Partidu FRETILIN halo kampania ba dala haat,iha Munisipiu Bobonaro, ho prisipiu ida deit partidu nee tenke manan iha eleisaun Parlamentar, para bele ba ukun .

Militantes no simpatizantes husi Postu Administrativa  6 iha Munisipiu Bobonaro konsentra hamutuk iha Kampu Futebol Maliana, hodi halo kampu nee nakfila ba kor mean neebe hakerek ho naran FRETILIN. 

Tanba Ema hotu hatene katak funu tama iha Timor nee, hahu husi Minisipiu Maliana, Balibo, Batugede, nee duni partidu FRETILIN  importante tebes iha nasaun ida nee.

Iha duskursu Sekertariu Jeral Partidu FRETILIN hateten, Fiar eleisaun 2017 FRETILIN sei manan mutlak,tanba povu kole ona promesa falsu durante tinan sanulu nee.

“ Hau fiar ita sei manan mutlak, tanba povu nee kole ona ho promesa falsu neebe durante tinan sanuluh iha Governasaun AMP no Bloku nia ukun ho osan neebe barak, maibe povu lahetan benefisiu ,” dehan Sekjer Mari, iha nia diskursu, bainhira kampania partidu FRETILIN nian, iha Munisipiu Bobonaro, (23/06/2017).

Sekjer Partidu FRETILIN Mari hateten, Oras nee ema fahe komesa lori osan ba bosok povu, tanba nee bainhira ema lori osan mai iha munisipiu nee simu ba uza, tanba nee laos sira nia osan.

 “ Osan nee povu nian atu halo dezenvolvimentu ba rai ida nee, laos para atu uza arbiru tun sae, tanba nee kuandu iha ema lori osan mai fahe imi, simu tiha rai ba bolus ,” dehan Sekjer Mari.

FRETILIN tuir Sekjer Mari katak, fila ba ukun sei mobiliza kapasidade tomak atu halo dezenvolvimentu iha rai nee, tanba nee iha fai nee 22  tenke vota ba FRETILIN.

Iha biban nee Sekjer partidu FRETILIN Mari Alkatiri hatete, hahu luta nee mehi ida liberta patria I atu liberta povu, laos FRETILIN mesak maka mehi ida nee, maibe hamutuk ho Nicolau lobato, Francisco Xavier Ramos horta, ho sira seluk tan.

“ Hamutuk ho hau Xanan Gusmao ita liberta povu , tanba sira ita mehi seidauk to rohan hau hamrik iha fatin nee atu halo mehi ida liberta povu nee sai realidade, “ dehan Sekjer Partidu FRETILIN Mari.

                                                                          

José Reis: FRETILIN iha Kapasidade, Oé-cuse Modelu ba Dezenvolvimentu TL

FRETILIN hatudu nia kapasidade atu lori povu sai husik kiak no mukit , realidade hatudu tinan rua deit Lidera Oe-Cuse, Sekretariu Geral Partidu FRETILIN konsege halo Oe-Cuse  nudar exenplu ba dezenvolvimentu nasional.

Rejultadu dezenvolvimentu iha Oe-Cuse durante tinan rua iha Oe-Cuse, sai ona trunfu bo’ot ba Sekretariu Geral FRETILIN oinsa organiza  ema no halo dezenvolvimentu.

Ministru balun ukun iha Governu AMP to’o mai Kintu Governu Konstitusional hahu laran taridu, hodi reklama fali dehan projetu sira ne’e sira mak intrega ba Autoridade Oé-Cuse.

Projetu ne’e dezenhu ida, semak halo konsultan mak halo, segredu ba susesu atu transforma  projetu ba realidade ho kualidade iha rai mamuk ida nia leten.

 

Mari Alkatiri hatudu katak nia iha kapasidade atu garante halo gestaun servisu tomak atu halo mehi ne’ebe bolu naran projetu sai realidade no iha kualidade.

“Bainhira atu harii buat diak ida iha rai mamuk ida nia leten, ita nia matan labele kan, liman labele katar atu simu, no bolsu labele boot atu subar fali envelope sira nebe nakonu,”

FRETILIN Manan sei Halo Uma ba Povu

FRETILIN sei halo uma  ba povu Timor Leste  liu husi politíka habitasaun komonitaria, bainhira povu fó fiar iha eleisaun Parlamentar ne’ebé mak sei realiza iha loron 22 Julhu 2017.

Uma ba komonidade ne’ebé  FRETILIN  sei halo ho kualidade no fó duni diginidade ba povu Timor Leste, laos uma modelu MDG ne’ebé governu AMP halo ho material pre-frabrikadu no laiha kualidade.

“FRETILIN sei hahu ho politíka habitasaun komonitaria, laos uma modelu MDG, MDG ita sei hasai,” dehan Secretariu Jeral FRETILIN Dr. Mari Alkatiri (22/06/2017).

Politíka habitasaun komonitaria agora dadaun hahu implementa iha Regiaun Administrativu Epesial Ambeno Oecuse (RAEO) halo uma ba komonidade sira.

Tuir Sekretariu Jeral FRETILIN Dr. Mari Alkatiri, ema hotu bele asesu ba  politíka habitasaun komonitaria maibé sei fó prioridade ba povu ne’ebé merese duni.

 “Hothotu bele asesu ba uma ida diak, klaru hahu ho sira ne’ebé persiza liu ne’e, maibé politíka ba ema hothotu,” dehan Dr. Mari.

Durante governu AMP to’o Bloku Koligasaun politíka los maibé implementasaun mak sala, liliu infrastrutura baziku.

“Too agora politíka los ba aseblidade konektivida politíka loos maibé implementasaun sala tanba infrastrutura agora lao dadauk ne’e laiha kualidade (tanba) loke kuak taka kuak ne’emak sala,” dehan Dr. Mari Alkatiri. (Wono Qi)

FRETILIN Sei Moderniza Seitor Saudé Hodi Garante Saudé ba Ema Hotu

Sekretariu Geral Partidu FRETILIN Dr. Mari Alkatiri hatete, FRETILIN tenki manan iha eleisaun atu hadia saida mak halo sala tiha ona, hameitin saida mak diak tiha ona no haburas para rai ne’e atu lao ba oin.

Dr. Mari dehan, saida mak FRETILIN manan iha eleisaun atu hadia mak hanesan, sistema de governasaun, sistema ba edukasaun, sistema ba saudé tenki hadia, sistema ba agrikultura tenki hadia.

“Sistema edukasaun lao naksala, sistema saudé lao naksala, agrikultura lao naksala, (atu hadia) tenki ho politíka FRETILIN mak bele hadia,” dehan Dr. Mari iha abertura kampanha FRETILIN iha Likisa (20062017).

Ohin loron iha kuadru politíku FRETILIN nain haat (4) hola parte iha governu sira esforsu atu hadia maibé susar tebés tanba sira tuur iha kadeira maibé xave ne’e ema seluk mak kaer.

“Bainhira ita ukun ho ema seluk nia politíka susar tebés, ema nia politíka ita mak ukun susar tebes, tanba ne’e ita tenki manan hodi ukun ho politíka FRETILIN nian hodi hadia fila fali,” dehan Dr. Mari.

FRETILIN sei hadia sistema no moderniza seitor saudé, tanba agora TL iha profesionais saudé (dotores) barak tebes mai husi primeiro Governu FRETILIN rasik  lidera.

Profesionais saudé ne’ebé mak remata ona sira nia estudu , FRETILIN sei halo politíka oinsa hasae sira nia matenek iha area espesialista nian nune’e bele atende povu sira diak liutan.

“Doutor sira balu remata ona kursu maibé la iha servisu, vaga la iha, doutor sira balun servisu tinan lima (5) atu ba hasai sira nia espesialidade dehan osan la iha, ne sala ita nia sistema saudé atu lao ba oin tenki, iha ema espesialista (ba moras oioin nune’e TL labele depende ba espesialista husi rai liur no haruka bebeik moras ba rai liur),” dehan Sekjer FRETILIN.

FRETILIN sei garante saudé ba ema hotu hanesan, tanba ne’e sei hadia uluk sistema haruka doutor sira ne’ebé servicu tinan lima  (5) ba leten tenke haruka sira ba hasai sira nia espesialidade atu sira fila mai hodi hametin tan nia sistema de saudé.

“Iha fatin balu doutores barak liu imfermeiro no parteira, planu saida mak buat sira hanesan ne’e bele akontese, tamba planu no programa ba formasaun la los, bo’ot sira ulun fatuk moras deit ba Singapura,ne mos korupsaun aktiva,” dehan Dr. Mari

Iha seitor sude, FRETILIN nia politíka moderniza maibé importante liu investe ba ema  atu hasae  matenek , kuñesementu hodi bele halao servisu professional liutan.

Iha Timor Leste adopta saude  gratuita  maibé  ema moras sira ba Hospital depois fó fali reseita ba sosa aimoruk iha liur (klinika privadu) ne’e saude la gratis ona.

 Tanba ne’e , FRETILIN kompromete atu hadia saude públika ho kualidade selae ,semak iha osan ba klinika privada sira,  haruka fali moras  ba singapura , semak laiha osan ba tuur hein iha banku  emergensia dala barak la hetan asistensia.

 FRETILIN sei garante asesu ba saude ne’e labele iha deferensia entre ema bo’ot ho ema kiak hotuhotu tenki iha direitu atu asesu ba saude.  (Florindo Uka-Bere).

FRETILIN Manan, Sei Harii Fundu Pensoens no Loke Inskrisaun Foun ba Veteranus

Sekretariu Geral Partidu FRETILIN Dr. Mari Alkatiri hatete, bainhira FRETILIN fila ba ukun, FRETILIN sei kria fundu de pensoéns ida ba veteranu, idozus invalidus no bolsa da maé, nune’e bele garante sustentablidade  pensaun ba veteranu, ferik katuas no bolsa da maé.

Iha kampanha abertura FRETILIN nian iha Municipiu Likisa (20062017) , Dr. Mari Alkatiri hatete, politika FRETILIN nian atu kria fundu ida ho naran fundu  de pensoens.  Osan atu kapitaliza ka investe ba  fundu ida ne’e mai duni husi fundu minarai, depois mobliza komonidade internasional atu finansia fundu ida ne’e.

Ho politika ida ne’e, tuir Dr. Mari Alkatiri katak bele garante ona sustentablidade pensaun ba veteranu sira, ferik katuas sira no bolsa da maé.

 “Hau la promote, maibe kuandu hau koalia tanba hau halo kontas ona, fundu ne’e sei garante sustentablidade politika subsidiu ba veteranus, ferik katuas no bolsa da maé,” dehan Dr. Mari Alkatiri. 

Dr. Mari Alkatiri dehan, tenki kria fundu de pensoens tanba se  governu kontinua selu pensaun veteranu sira  ho osan fundu minarai , aban bainrua minarai maran osan mos laiha atu selu veteranu sira , tanba ne’emak fundu de pensoens importante tebes.

Bainhira FRETILIN manan iha eleisaun hodi lidera fali governu  Dr. Mari Alkatiri dehan, FRETILIN sei loke fila fali inskrisaun ba veteranu sira ne’ebé mak seidauk rejistu.

 “Hau bele dehan FRETILIN manan, FRETILIN sai governu sei loke fila fali inskrisaun ba veteranu sira,” dehan Dr. Mari.

Veteranu balun simu ona tinan rua tinan tolu, balun seidauk simu, Mari Alkatiri dehan, Governu sei fó kompensasaun ba sira ne’ebé mak la simu.

“Veteranu sira ne’ebé mak seidauk simu ne’e tenki iha kompensasaun, balun simu ona tinan rua tinan tolu, balun seidauk simu agora hadia atu simu tenki hatene atu halo kompensasaun ba sira,” dehan Dr. Mari Alkatiri.

Iha veteranu balun ne’ebé mak depois independensia mak seidauk hetan sira nia direitu ba pensoens maibe sira fila ona ba manan maromak nia kadunan Santo,  nia familia sira iha direitu simu pensaun, ne’emak politika FRETILIN nian ba Veteranus.